سامسۆنگ یەکێک لە گەورەترین توێژینەوەکانی تەندروستی خەو ئەنجام دەدات. داتاکانی ٧١٦ ملیۆن خەوی شەوانە شیدەکاتەوە. ئامانج لێی وەڵامدانەوەی ئەو پرسیارەیە کە “ئایا ئێمە بە باشی خەوتین؟”. وەک دەردەکەوێت وەڵامەکە “نا!”یە وە بەپێی داتاکان لە هەموو شوێنێک و بۆ هەموو کەسێک شتەکان خراپتر دەبن.
سامسۆنگ توێژینەوە لەسەر 716 ملیۆن خەوی شەوانەی بەکارهێنەرانی Samsung Health و Galaxy Watch لە سەرانسەری جیهان دەکات . هەرچەندە گرنگیدان بە تەندروستی خەو زۆر زیادی کردووە، بەڵام ڕاستیە تاڵەکە ئەوەیە کە کوالێتی خەوی خەڵک هەموو شەوێک لە دابەزیندایە. سامسۆنگ دەڵێت جیهان ڕووبەڕووی قەیرانی خەو بووەتەوە.
زانیارییەکان لە نێوان مانگی حوزەیرانی ٢٠٢١ و ئایاری ٢٠٢٣ کۆکراونەتەوە. ژمارەی ئەو بەکارهێنەرانەی کە چالاکانە بەدواداچوون بۆ کوالێتی خەویان دەکەن لە دوو ساڵی ڕابردوودا بە ڕێژەی ١٨٢% زیادی کردووە. بەڵام کارایی و کوالیتی خەو لە هەموو شوێنێک و بۆ هەموو کەسێک کەم دەبێتەوە. سامسۆنگ دوو قۆناغ بەراورد دەکات: مانگی حوزەیرانی ٢٠٢١ بۆ مانگی ئایاری ٢٠٢٢ و مانگی حوزەیرانی ٢٠٢٢ بۆ مانگی ئایاری ٢٠٢٣.
ئەنجامەکانی توێژینەوەکەی سامسۆنگ
سامسۆنگ بۆی دەرکەوتووە کە تێکڕای ماوەی خەوی شەوانە لە سەرانسەری جیهاندا لە ٧ کاتژمێر و ٣ خولەکەوە بۆ ٦ کاتژمێر و ٥٩ خولەک دابەزیوە، ئەمەش کەمێک لە خوار ئاستی ٧ کاتژمێرەوە کە لەلایەن دامەزراوەی نیشتمانی خەوتنەوە پێشنیار کراوە.
لە هەمان کاتدا کە ماوەی خەوتن کەم بووەتەوە، کاتەکانی بەئاگابوون لە کاتی خەوتنیشدا زیادی کردووە، ئەمەش دواجار دەبێتە هۆی کەمبوونەوەی کارایی خەوتن.
ئەم شێوازە بۆ هیچ دانیشتووانێک یان ناوچەیەکی دیاریکراو گۆشەگیر نەکرابوو. کەمبوونەوەی ماوەی خەوتن و کارایی لە هەموو ڕەگەزەکان و گروپە تەمەنییەکان و ناوچەکانی توێژینەوەکەدا ڕاپۆرت کراوە. لێرەدا چەند خاڵێکی سەرەکی دەخەینەڕوو:
- هەرچەندە توانای خەوتنی پیاوان بەردەوام لە دابەزیندایە، بەڵام لە ساڵی ڕابردوودا ژنان زۆرترین دابەزینی خەویان بەخۆوە بینیوە.
- دیمۆگرافیای کۆنتر دابەزینی زیاتری کارایی خەویان نیشان دا. جێگای ئاماژەیە، ئەو کەسانەی تەمەنیان لە سەرووی ٧٠ ساڵەوەیە، نزیکەی دوو هێندە زیاتر لە کەسانی تەمەن بیستەکان دابەزینیان بەخۆوە بینیوە.
- ئەمریکای باکوور زۆرترین دابەزینی کارایی خەوتنی بەخۆیەوە بینیوە، لە کاتێکدا ئاسیا کەمترین دابەزینی بەخۆیەوە بینیوە.
- لە دەرەوەی ئەوروپا و ئەمریکای باکوور، هەموو ناوچەکانی دیکە کەمتر لە حەوت کاتژمێر خەوتنیان هەبووە.
