بەپێی هەواڵێکی ڕۆژنامەی نیویۆرک تایمز، ئەمریکا و چین پلانیان هەیە دەسەڵاتی کوشتنی مرۆڤ بە چەکی زیرەکی دەستکرد بدەن بۆ کوشتنی ئامانجە مرۆییەکان.
جێگیرکردنی فڕۆکەی بێفڕۆکەوان کە بە زیرەکی دەستکردەوە کۆنتڕۆڵ دەکرێت و دەتوانن بڕیاری سەربەخۆ لەبارەی کوشتنی ئامانجە مرۆییەکانەوە بدەن، خەریکە لە واقیع نزیک دەبێتەوە. چەکی ئۆتۆنۆمی کوشندە کە دەتوانێت ئامانجەکان هەڵبژێرێت بە بەکارهێنانی زیرەکی دەستکرد لەلایەن وڵاتانێکەوە لەوانە ئەمریکا و چین پەرەی پێدەدرێت. کە بە ڕواڵەت دەیانەوێت ڕێگری بکەن لە یاسادانان لە دژی.
بەپێی هەواڵێکی ڕۆژنامەی نیویۆرک تایمز، ئەمریکا و چین پلانیان هەیە ئۆتۆنۆمی بە زیرەکی دەستکرد بدەن بۆ کوشتنی ئامانجە مرۆییەکان. ڕەخنەگران دەڵێن بەکارهێنانی ئەو شتانەی کە پێی دەوترێت “ڕۆبۆتی بکوژ” نوێنەرایەتی پێشهاتێکی نیگەرانکەر دەکات. نزیکبوونەوەیەکی لەم شێوەیە لە بەرەکانی شەڕدا، مردن و ژیانی مرۆڤەکان بە تەواوی لە دەستی زیرەکی دەستکرددا جێدەهێڵێت.
دەسەڵاتی کوشتنی مرۆڤ بە چەکی زیرەکی دەستکرد
چەند حکومەتێک لۆبی بۆ نەتەوە یەکگرتووەکان دەکەن بۆ بڕیارنامەیەکی پابەندکەر. لە بڕیارنامەکەدا هەوڵی سنووردارکردنی بەکارهێنانی فڕۆکەی بێفڕۆکەوان کە لەسەر بنەمای زیرەکی دەستکرد دانراوە. بەڵام وڵاتانی وەک ئەمریکا، ڕووسیا و ئوسترالیا بەرەنگاری هەر ڕێکارێکی ڕێگریکردن دەبنەوە.
بەگوێرەی ڕاگەیاندراوێک کە لە سەرەتای ئەمساڵدا بڵاوکرایەوە. پنتاگۆن هەوڵدەدات هەزاران فڕۆکەی بێفڕۆکەوان کە بە زیرەکی دەستکرد تەیارکراون، جێگیر بکات. کاتلین هیکس جێگری وەزیری بەرگری ئەمریکا لە وتارێکدا لە مانگی ئابدا ڕایگەیاندبوو کە تەکنەلۆژیاکانی وەک فڕۆکەی بێفڕۆکەوان کە لەلایەن AI کۆنتڕۆڵ دەکرێن ڕێگە بە ئەمریکا دەدات بەسەر زۆریی ژمارەیی سوپای ئازادی گەلی چین (PLA) لە چەک و هێزی مرۆییدا زاڵ بێت.
هەروەها فرانک کێندڵ، وەزیری هێزی ئاسمانی ڕایگەیاندووە، فڕۆکە بێفڕۆکەوانە زیرەکییە دەستکردەکان دەبێت توانای بڕیاردانی کوشندەیان هەبێت لەکاتێکدا لەلایەن مرۆڤەوە سەرپەرشتی دەکرێن. هەروەها وتی: جێبەجێکردنی بڕیارە مرۆییەکان یان جێبەجێنەکردنیان جیاوازی نێوان بردنەوە و دۆڕانە، ئێمەش دۆڕاو نین. “پێموانییە ئەو کەسانەی کە دژی دەڕۆین، ئەوە بکەن و ئەگەر ئەو سنوورە بخەینە سەر خۆمان، ئەوە سوودێکی گەورەیان پێدەبەخشێت”.
بەپێی زانیارییەکان، فڕۆکەی بێفڕۆکەوان کە لەژێر کۆنتڕۆڵی AIدایە، لە مانگی تشرینی یەکەمی (ڕەزبەر) ڕابردوودا لەلایەن ئۆکرانیا بۆ بەرەنگاربوونەوەی لەشکرکێشی ڕووسیا لە بەرەکانی جەنگ جێگیرکراون. هەرچەندە ڕوون نییە کە ئایا هیچ کارێک گیراوەتەبەر کە لە ئەنجامدا قوربانیی مرۆیی لێکەوتبێتەوە.
