پیشەسازی چالاکیەکە کە کاڵا بەرهەم دەهێنێت یان خزمەتگوزاری پێشکەش دەکات. پیشەسازییەکان کۆمەڵێک ڕێکخراو و کۆمپانیا لەخۆدەگرن، کە هەریەکەیان پێداویستییە تایبەتەکانی بازاڕ دابین دەکەن. لەم بابەتەدا ئێمە ڕوونی دەکەینەوە کە پیشەسازی چییە و جۆرەکانی پیشەسازی دیاری دەکەین.
لە بواری ئابووریدا پیشەسازییەکان بە گشتی وەک سەرەتایی، لاوەکی(دووەم)، سێیەم و چوارەم پۆلێن دەکرێن. پیشەسازییە لاوەکییەکانیش بە سەر دوو پۆلی قورس و سووکدا دابەش دەکرێن.
جۆرەکانی پیشەسازی
دوای پێناسەکردنی پیشەسازی، کاتی ئەوە هاتووە جۆرەکانی پیشەسازی دیاری بکەین، کە بریتین لەمانەی خوارەوە:
پیشەسازی سەرەتایی یان سەرەکی
ئەم بەشە کشتوکاڵ، دارستان، ماسیگرتن، کانگا و دەرهێنانی کانزاکان دەگرێتەوە و دەتوانرێت بەسەر دوو بەشدا دابەش بکرێت:
- پیشەسازییە جینییەکان: بریتیە لە بەرهەمهێنانی کەرەستەی خاو کە ڕەنگە لەگەڵ دەستێوەردانی مرۆڤ لە پرۆسەی بەرهەمهێناندا زیاد بکات.
- پیشەسازییەکانی دەرهێنان: وەک بەرهەمهێنانی کەرەستەی خاو کە سەرچاوەیەکی نوێنەبووەوەن.
پیشەسازییە جینییەکان بریتین لە کشتوکاڵ، بەڕێوەبردنی ئاژەڵ و ماسی، کە هەموو ئەمانە پەیوەستن بە باشترکردنی زانست و تەکنەلۆژیای سەرچاوە نوێبووەکان. پیشەسازییەکانی دەرهێنان بریتین لە دەرهێنانی کانزاکان و دەرهێنانی سووتەمەنی بەردینی.
پیشەسازییە سەرەتاییەکان زۆربەی ئابووری وڵاتانی گەشەنەسەندوو و لە حاڵی گەشەدا پێکدەهێنێت، بەڵام لەگەڵ گەشەسەندنی پیشەسازییە لاوەکی و سێیەمەکاندا، پشکی لە بەرهەمهێنانی ئابووریدا کەم دەبێتەوە.
پیشەسازی لاوەکی(دووەم)
چالاکییەکانی ئەم کەرتە کە پێی دەوترێت پیشەسازی بەرهەمهێنان، دەتوانرێت بەسەر ئەمانەی خوارەوەدا دابەش بکرێت:
- کەرەستەی خاو کە لەلایەن پیشەسازییە سەرەتاییەکانەوە دابین دەکرێن وەردەگیرێت و دەکرێتە کاڵای بەکاربەر.
- ئەو کاڵایانە پرۆسێس دەکات کە پیشەسازییە لاوەکییەکانی دیکە کردوویانە بە بەرهەم.
- کاڵای سەرمایەیی دروست دەکات کە بۆ بەرهەمهێنانی کاڵای بەکاربەر و غەیرە بەکاربەر بەکاردەهێنرێت.
هەروەها ئەم بەشە، پیشەسازییەکانی بەرهەمهێنانی وزە دەگرێتەوە، بۆ نموونە پیشەسازییەکانی کارەبای ئاو، هەروەها پیشەسازی بیناسازی.
پیشەسازییە لاوەکییەکان دەتوانرێت بەسەر ٢ پۆلدا دابەش بکرێن:
پیشەسازییە قورس یان گەورەکان: پیشەسازییە گەورەکان بە گشتی پێویستیان بە وەبەرهێنانی قورس هەیە لە کارگە و ئامێرەکاندا. هەروەها ئەم چەمکە خزمەت بە بازاڕێکی گەورە و هەمەچەشن دەکات کە پیشەسازییەکانی تری بەرهەمهێنان لەخۆدەگرێت، ڕێکخراوێکی پیشەسازی ئاڵۆزی هەیە و زۆرجار هێزێکی کاری لێهاتوویی بەرزی دەوێت، و قەبارەیەکی زۆری بەرهەم، بەرهەم دەهێنێت. بۆ نموونە دەکرێ ئاماژە بە پاڵاوتنی نەوت، بەرهەمهێنانی پۆڵا و ئاسن، دروستکردنی مەکینەی ئۆتۆمبێل، بەرهەمهێنانی چیمەنتۆ، پاڵاوتنی کانزای نائاسنی، پاککردنەوەی گۆشت و بەرهەمهێنانی کارەبای ئاوی بکرێت.
پیشەسازییە سووک یان بچووکەکان: لەوانەیە بە کەمتر مانەوەی بەرهەمە بەرهەم هێنراوەکان و کەمتر وەبەرهێنان لە کارگە و ئامێرەکاندا تایبەتمەند بێت. یان لەوانەیە بەرهەمی تایبەت یان کاری دەستی لەخۆ بگرێت. هێزی پیشەسازی سووک دەتوانێت توانای تەکنیکی کەمی بوێت، وەک بەرهەمهێنانی قوماش و جل و بەرگ، پرۆسێسکردنی خۆراک و بەرهەمهێنانی پلاستیک. یان لێهاتوویی بەرزیان پێویست بێت، وەک ئەوانەی لە بوارەکانی بەرهەمهێنانی ئامێری ئەلیکترۆنی و ڕەقەکاڵای کۆمپیوتەر، دروستکردنی ئامێری ورد، بڕینی گەوهەر و کاری دەستی کاردەکەن.
پیشەسازی سێیەم
ئەم کەرتە فراوانە کە پێی دەوترێت پیشەسازی خزمەتگوزاری، ئەو پیشەسازیانە دەگرێتەوە کە لە کاتێکدا هیچ کاڵایەکی بەرجەستە بەرهەم ناهێنن، خزمەتگوزاری یان سوودی نامەعنەوی پێشکەش دەکەن یان سامان بەرهەم دەهێنن. ئەم کەرتە بە گشتی کۆمپانیا تایبەت و گشتیەکان دەگرێتەوە.
لە نێو پیشەسازییەکانی ئەم کەرتەدا دەتوانین ئاماژە بە خزمەتگوزارییەکانی بانکی، دارایی، بیمە، وەبەرهێنان و خانووبەرە بکەین. بازرگانی جوملە، فرۆشتنی تاکەکەسی و دووبارە فرۆشتنەوە، گواستنەوە، خزمەتگوزاری پیشەیی، ڕاوێژکاری، یاسایی و کەسی، گەشتیاری، هۆتێل، چێشتخانە و کات بەسەربردن، خزمەتگوزاری چاککردنەوە، خزمەتگوزاری تەندروستی، چاودێری کۆمەڵایەتی، کارگێڕی، جێبەجێکردنی یاسا، ئاسایش و بەرگری.
پیشەسازی چوارەم
پیشەسازییە چوارەمەکان پەیوەندی بە بەرهەم و خزمەتگوزارییەکانی بنەمای زانیارییەوە هەیە. ئەم جۆرە پیشەسازییە هاوشێوەی کەرتی سێیەم تێکەڵەیەک لە هەوڵەکانی کەرتی گشتی و تایبەتە.
چالاکییەکانی ئەم کەرتە بریتین لەمانەی خوارەوە:
- سیستەمی زانیاری و تەکنەلۆژیای زانیاری (IT)
- توێژینەوە و پەرەپێدان (R&D)، لەوانەش پەرەپێدانی تەکنەلۆژیا و توێژینەوەی زانستی
- شیکاری و ئامۆژگاری دارایی و ستراتیژی
- تەکنەلۆژیا، میدیا و خزمەتگوزارییەکانی پەیوەندی
- خوێندن
