گووگڵ پەردەی لەسەر زیرەکی دەستکردی Gemini لادا؛ شۆڕشێک لە جیهانی زیرەکی دەستکرد
بە گوتەی بەڕێوەبەری جێبەجێکاری کۆمپانیای گووگڵ، بڵاوکردنەوەی مۆدێلی نوێی زیرەکی دەستکردی Gemini دەبێتە سەرەتای سەردەمێکی نوێ بۆ ئەم کۆمپانیایە کە ناوی “سەردەمی Gemini”یە. ئەم مۆدێلە بە وەشانی جیاواز بڵاودەکرێتەوە و دەیەوێت ڕاستەوخۆ ڕکابەری GPT-4 بکات لە OpenAI.
گووگڵ بۆ یەکەمجار لە چالاکیی گەشەپێدەرانی ساڵی ٢٠٢٣دا باسی مۆدێلی زیرەکی دەستکردی Geminai کرد، ئێستاش بە فەرمی بڵاوکردنەوەی ڕاگەیاندووە. ئەم مۆدێلە وەشانێکی سوکی هەیە بە ناوی Gemini Nano کە دەتوانرێت بە ئۆفلاین لەسەر ئامێرەکانی ئەندرۆید کاری پێبکرێت.
مۆدێلی دووەم بەهێزترە و ناوی Gemini Proی لێنراوە بەم زووانە لە خزمەتگوزاری زیرەکی دەستکردی گووگڵدا بەردەست دەبێت و لە ئەمڕۆوە لە چاتبۆتی بارد چالاکە. وەشانی سێیەمی Gemini کە ناوی Gemini Ultraیە، بەهێزترین مۆدێلی زمانیە کە گووگڵ تا ئێستا دروستی کردووە. و وادیارە زیاتر بۆ ناوەندەکانی داتا و بەرنامەکانی کۆمپانیا دیزاین کراوە.
مۆدێلی AIی کۆمپانیای Gemini Pro لە ئێستادا لە گوگڵ بارد بەردەستە. هەروەها بەکارهێنەرانی مۆبایلی Pixel 8 Pro دەتوانن چێژ لە تایبەتمەندییە نوێیەکان وەربگرن لەگەڵ Gemini Nano. بڕیارە ساڵی داهاتوو Gemini Ultra بخرێتە بازاڕەوە. گەشەپێدەران و بەکارهێنەرانی کۆمپانیاکان دەتوانن لە 13ی کانوونی دووەمەوە لە ڕێگەی ستۆدیۆی Generative AI یان Vertex AI لە Google Cloud دەستیان بە Gemini Pro بگات.
مۆدێلی Gemini AIی کۆمپانیای گووگڵ لە ئێستادا تەنها بە زمانی ئینگلیزی بەردەستە. بەم زووانە زمانەکانی تریش بەردەست دەبن. سوندار پیچای بەڕێوەبەری جێبەجێکاری کۆمپانیای گووگڵ دەڵێت: لە کۆتاییدا ئەم مۆدێلە لە بزوێنەری گەڕان و خزمەتگوزاری ڕیکلام و وێبگەڕی کرۆم و بەرهەمەکانی دیکەی کۆمپانیاکەدا بەردەست دەبێت. ئەم مۆدێلە داهاتووی گووگڵ لە قاڵب دەدات.
بەراوردکردنی مۆدێلی زیرەکی دەستکردی Gemini ی گووگڵ لەگەڵ GPT-4
دیمیس حەسابیس، بەڕێوەبەری جێبەجێکاری کۆمپانیای دیپمایند کە ڕۆڵی سەرەکی هەبووە لە پەرەپێدانی Gemini، دەڵێت ئەوان پێوەرێکی زۆریان لەسەر مۆدێلەکە کردووە. لە ڕاستیدا لە کۆی ٣٢ پێوەرێکی گرنگ کە لەسەر جێمینا ئەنجامدراون، ئەم مۆدێلە لە ٣٠ حاڵەتدا پێش ڕکابەرەکانی کەوتووە.
دیارترین باڵادەستی جێمینا لە پێوەرەکاندا لە توانای تێگەیشتن و کارلێککردن لەگەڵ دەنگ و ڤیدیۆوە سەرچاوە دەگرێت. وادیارە فرە شێوازی لە سەرەتاوە یەکێکە لە ئامانجەکانی پەرەپێدانی کۆمپانیای جێمینا. و گووگڵ بەنیازی ئەوە نەبووە مۆدێلی جیاوازی وەک DALL-E یان Whisper بۆ ئەرکە جیاوازەکانی وەک OpenAI دروست بکات.
جێمینا نانۆ لە ئێستادا تەنها دەتوانێت دەقەکانی هاتنە ژوورەوە و دەرچوونی هەبێت، بەڵام وەشانە بەهێزەکەی کە ئۆڵترایە، توانای کارکردنی لەگەڵ دەق و وێنە و ڤیدیۆ و دەنگی هەیە.
پێدەچێت گووگڵ گرنگییەکی تایبەتی بە جێمینا بدات کاتێک باس لە کۆدکردن دەکرێت. ئەم مۆدێلەی AI سیستەمی نوێی دروستکردنی کۆدی AlphaCode 2 بەکاردەهێنێت کە کۆمپانیاکە دەڵێت دەتوانێت لەسەدا ٨٥ باشتر لە ڕکابەرەکانی و لەسەدا ٥٠ باشتر لە مۆدێلەکەی پێش خۆی کۆد بکات.
هەروەها بە ڕواڵەت مۆدێلی زیرەکی دەستکردی Gemini لە ڕووی بەکارهێنانی وزەوە زۆر کارامەیە. گووگڵ ئەم مۆدێلەی لەسەر یەکەی پرۆسێسینگ تەنسۆر (TPU)ی تایبەتی خۆی ڕاهێنا بۆ ئەوەی خێراتر و هەرزانتر بێت لە مۆدێلەکانی پێشووی وەک PaLM. جگە لەم مۆدێلە، ئەم کۆمپانیایە پەردەی لەسەر وەشانی نوێی سیستەمی TPU لادا کە بە TPU v5p ناسراوە. کە سیستەمێکی کۆمپیوتەرییە بۆ ناوەندەکانی داتا و دەتوانرێت لە بواری ڕاهێنان و جێبەجێکردنی مۆدێلی زمانی گەورەدا بەکاربهێنرێت.
گووگڵ دەڵێت هەوڵی زۆری داوە بۆ دڵنیابوون لە سەلامەتی و بەرپرسیارێتی زیرەکی دەستکردی جێمینا، هەروەها تاقیکردنەوەیەکی بەرفراوانی ئەنجامداوە. بەڵام دەبێت چاوەڕێ بین تا بزانین ئەم مۆدێلە لە جیهانی ڕاستەقینەدا چۆن کارەکانی ئەنجام دەدات.
وادیارە سوندار پیچای و دیمیس حەسابیس پێیان وایە کە خستنەبازاڕی Gemini AI سەرەتای پڕۆژەیەکی گەورەترە و هەنگاوێکە لە ڕێگای گۆڕانکاریدا. ئەمە هەمان ئەو مۆدێلەیە کە ساڵانێکە گووگڵ پەرەی پێدەدات و ئێستا پێویستی پێیەتی بۆ گۆڕینی دیمەنی کێبڕکێ لەگەڵ OpenAI.
